Beş ulduzlu Crillon oteli Parisin incilərindən biridir burada yerləşən “Luks Berhşteyn” nömrəsinin bir günlük kirayəsi 17000 avroya çatır.
Beş ulduzlu Crillon oteli Parisin incilərindən biridir burada yerləşən “Luks Berhşteyn” nömrəsinin bir günlük kirayəsi 17000 avroya çatır.
AKP hökuməti baş prokurorun şəriət qurmaqla bağlı ittihamını rədd etsə də, Azərbaycanda Fətullah Gülən Şəbəkəsinin güclənməsinə çalışır
Əbdürrəhim Yalçınqayanın menyüsünə: Nə üçün AKP hökumətinin rəsmiləri Azərbaycanda səfərdə olarkən, fətullahçı məktəbləri ziyarət edib, fətullahçı universitetin fəxri doktoru adını almağı özlərinə borc bilirlər? Türkiyə Baş Prokurorluğunun Türkiyənin hakim partiyasına-AKP-ni bağlanmasını istəməsinin əsas səbəbi kimi bu partiyanın Türkiyənin dünyəvi düzəninə təhlükə təşkil etməsini göstərir. Eyni zamanda bu partiyanın dini camaatlara, xüsusilə Fətullah Gülən Şəbəkəsinə və digər şəriətçi quruluşlara yardım etmələri, onların üzünə dövlətin rəsmi qapılarını açmaları əsas bağlanma səbəbləridir. Əvvəlki yazılarımızda da qeyd etdiyimiz kimi, Türkiyənin cümhurbaşqanı Abdullah Gülün adının AKP-yə qarşı hazırlanan İddianaməyə düşməsinin əsas səbəbi Gülün xarici işlər naziri olarkən, Türkiyənin diplomatik nümayəndəliklərinə Fətullah Gülənin və Milli Görüşün məktəb və şirkətləri ilə əməkdaşlıq etmək barədə təlimatnamə göndərməsidir. Elə AKP iqtidarı dövründə Azərbaycandakı fətullahçı məktəb və şirkətlərlə Türkiyənin rəsmi qurumları arasında münasibətin sıxlaşması, fətullahçı məktəb və şirkətlərin Türkiyə dövlətinin himayəsinə alınması da Əbdürrahman Yalçınqayanın nə qədər haqlı olduğunu ortaya qoyur. Mərhum Nəcib Hablemitoğlu “Köstəbək” əsərində Azərbaycan səfərinin təəssüratlarından yazarkən, hələ AKP hakimiyyətə gəlmədən öncə Türkiyənin Azərbaycandakı səfirliyinin bəzi əməkdaşlarının övladlarını fətullahçı məktəblərdə oxutduğundan bəhs edirdi. Bəs bu gün necədir? Bu gün Türkiyə səfirliyinin neçə əməkdaşı övladını fətullahçı hazırlıq kurslarında və məktəblərdə oxudur? Fətullahçılar Türkiyənin Azərbaycandakı səfirliyində hansı önəmli mövqeləri işğal ediblər? Səfirliyə bağlı Tələbə Konseyində fətullahçıların mövqeyi niyə güclüdür? Bütün bunlar başqa yazının mövzusudur. Bilinən odur ki, AKP dövründə Azərbaycana təyin olunan səfirlərin hər biri fətullahçı məktəbləri və şirkətləri himayə edərək, ingilis mədəniyyətini öyrədən, Türk bayrağından yalnız sui-istifadə edən və Türkiyə Cümhuriyyətinin qurucusu Atatürkə qarşı sevgi ilə yanaşmayan bu məktəblərin hamisi rolunu oynayıblar. Heç şübhəsiz, nazir olarkən, fətullahçı məktəblər və şirkətlərlə rəsmi münasibət qurmayan səfirliklərin şəriətçilərə qarşı embarqosunu qaldıran Abdullah Gülün prezident seçiləndən sonra Türkiyənin Azərbaycandakı keçmiş səfiri Hüseyn Avni Qarslıoğlunu öz yanına çağırmasında da fətullahçıların rolu ola bilər. Çünki bu təyinat gerçəkləşərkən, türk mətbuatı “Gül fətullahçı səfiri özünə müşavir təyin etdi” yazmışdı. Hüseyn Avni Qarslıoğlu kimi xələfi Hulusi Kılıcın da ilk işi Türkiyədə şəriət dövləti qurmaqda ittiham olunan Fətullah Gülənə bağlı “Çağ” Öyərtim Şirkətini ziyarət etmək oldu. Hər halda özü bildirdi ki, ilk ziyarətini "Çağ" Öyrətimdən başlayır. Elə “Samanyolu”nun Azərbaycan təmsilçiliyi bağlanandan sonra imajı zədələnən fətullahçıların yardımına Əbdürrəhman Yalçınqayanın fətullahçılara “yaşıl işıq” yandırmaqda ittiham etdiyi Abdullah Gül çatdı. Abdullah Gülün Fətullah Gülənə bağlı “Qafqaz” Universitetinə gəlməsi ilə yenidən dirçilən fətullahçılar Qafqazın ən böyük universitetini tikmək yolunda ilk addımlarını atdılar. Azərbaycan təhsilini bərbad hala salan Misir Mərdanovun yaxın qohumunun prorektor olduğu bu müəssisəni Bakı Dövlət Universiteti başda olmaqla öz milli universitetlərimizdən önə çıxaran, Heydər Əliyev kimi şəxsiyyətin təhsil aldığı unversitetə və başqa universitetlərə ögey münasibət sərgiləyən nazirin ““Qafqaz” Universiteti Azərbaycanın “Harvard”ı olacaq” açıqlaması əslində fətullahçıların əsl məqsədindən xəbər verir. Strateji plan üzrə hərəkət edən fətullahçılar həm Türkiyənin mövcud hakimiyyətindən, həm də bizim tamahkar məmurlarımızdan istifadə edərək, təhsil sektorunu ələ keçirmək istəyirlər. “Qafqaz”ın “Harvard”a çevrilməsi ideyası da əslində buradan doğub. Ancaq unudulmamalıdır ki, bir dövləti ələ keçirməyin ən asan yolu həmin dövlətin təhsilini və iqtisadiyyatını ələ almaqdır. Gülən camaatı da bu taktikadan istifadə edir. Nə isə… Fətullahçılara son dəstək də Türkiyənin Böyük Millət Məclisinin başqanı Köksal Toptandan gəldi. Azərbaycanda fətullahçı “Çağ” Öyrətim məktəblərinin təməlinin məhz özünün Türkiyənin təhsil naziri olduğu vaxt atıldığından məmnunluqla danışan cənab Toptan əslində Azərbaycana fətullahçı toxumun onun imzası ilə səpildiyini etiraf etdi. Onun bu çıxışı isə nədənsə yalnız “Xəzər” TV-nin diqqətini cəlb etmişdi. Bəlkə də bu kanalın rəhbərliyinin bağlanan fətullahçı “Samanyolu”nun Azərbaycan bürosunun işçilərindən ibarət olması bu kanalın “Çağ” Öyrətimə və “Qafqaz” Universitetində keçirilən tədbirlərə həssas yanaşmasının başlıca səbəbidir. Ancaq Azərbaycan kanalı olduğu vurğulanan və bütün paytaxtiçi marşrutların üzərini bəzəyən “Xəzər” TV-nin Azərbaycanın rəsmi şəxslərindən daha çox Türkiyənin mövcud siyasi hakimiyyətinə efir saatı verməsi, ortaya maraqlı sualı çıxarır: “Xəzər” TV Azərbaycan kanalıdırsa, o zaman niyə Azərbaycanın rəsmi siyasətindən daha çox Türkiyənin fətullahçı mediasının xəbər siyasətini yürüdür? Köksal Toptanın son səfərinin az qala bütün detallarına “Xəzər” TV-nin həssas yanaşmasının qarşılığında Azərbaycanın rəsmi tədbirlərinə çox az efir vaxtı ayrılması şübhəli məqamları artırır. Türk Ordusunun və Baş Prokurorluğun şəriət dövləti qurmaqda və dövləti gizli yollarla ələ keçirməkdə ittiham etdiyi Fətullah Gülənə bağlı olmaqda ittiham olunan “Qafqaz” Universitetinin “fəxri doktorluğ”unu qürur hissi ilə qəbul edən Köksal Toptan isə Türkiyənin təhsil naziri vəzifəsində çalışdığı dövrdə ilk fətullahçı məktəbin açılmasının təməlini qoyanlardan biri olduğunu söyləyərək, “Bu məktəblərdə oxuyan şagirdlərin əldə etdikləri nailiyyətləri gördüm, belə düşünürəm ki, gələcəyimiz etibarlı əllərdədir. Biz gələcəyimizin taleyindən rahat ola bilərik" deyərək, əslində Gülənin planının hələlik uğurla davam etdiyini, onların hakimiyyətdə qaldıqları müddət ərzində də bunun belə davam edəcəyi mesajını verdi. Qeyd edək ki, Köksal Toptanın sələfi Bülənt Arıncın açıqlamaları AKP-nin bağlanmasına əsas kimi göstərilməkdədir. Yəqin ki, Əbdürrəhim Yalçınqaya yaxın tarixi bir az ətraflı araşdırsa, bir çox AKP rəsmisinin Gülən camaatı ilə əlaqəsi üzə çıxacaq. Elə Türkiyənin “Günəş” qəzetinin yazarı Riza Zelyutun sözlərinə görə, AKP-nin təməli Gülənin başqanlıq etdiyi “Abant” Platformunda atılıb. Bu isə bir daha böyük ehtimalla qapadılacaq AKP-nin rəsmilərinin niyə Gülənin məktəblərini himayə etdiyini ortaya qoyur.
Dəniz Baykal: «Abdulla Gül İrəvandakı soyqırımı abidəsini ziyarət etsin»
«Bununla onu bu səfərə yönləndirənləri və ya İrəvana getməyə razı salanları daha çox xoşbəxt etmiş olar»
Türkiyə ana müxalifətinin lideri, Cümhuriyyət Xalq Partiyasının sədri Dəniz Baykal, İrəvana səfər etməy niyyətində olan prezident Abdulla Gülü kəskin tənqid edib: «Əgər Ermənistana gedirsə, onda soyqırım abidəsinə də çələng qoysun. Bununla da onu bu səfərə yönləndirənləri və ya İrəvana getməyə razı salanları daha çox xoşbəxt etmiş olar».
Dəniz Baykal, hazırkı prezident Abdulla Gül 1993-cü ildə parlamentdəki dinləmələr zamanı bir çıxış edib: «Abdulla Gülün 1993-cü ildə dedikləri ibrətvericidir. Onun 15 il əvvəl danışdıqları ilə bu günkü sözləri və yanaşmaları ziddiyyət təşkil edir. O gündən bu günə nə dəyişdi? Ermənistan Türkiyənin sərhədlərinimi tanıdı, Türkiyəyə qarşı ərazi iddialarındanmı vaz keçdi? Soyqırımı iddiasınımı geri götürdü? Yoxsa Qarabağ işğalına son qoydu? İşğaldan tam əl çəkdiyini bir kənara qoyaq, işğal ediyi bir neçə kəndin azad edilməsinə təminatmı verdi?. Bunların heç biri olmadı. Dəyişən bir şey yoxdur. Dəyişən o vaxt dediklərini bu gün unudan kişinin Türkiyə prezidenti olmasıdır».
