KƏRİM ƏLİ oğlu KƏRİMOVKərim Kərimov 14 noyabr 1917-ci ildə Bakı şəhərində, mühəndis-texnoloq ailəsində anadan olmuşdur.Kərim Əli oğlu Kərimov - Sosialist Əməyi Qəhrəmanı, Stalin, Lenin və Dövlət mükafatı laureatı, istefada olan general-leytenantdır. 1942-ci ildə Azərbaycan Sənaye İnstitutunu bitirdikdən sonra K.Ə.Kərimov artileriya akademiyasında öz təhsilini davam etdirərək gələcək həyat yolunu kosmik-raket sistemlərinin yaradılması ilə bağladı. 1946-cı ildən K.Ə.Kərimov ballistik raketlərin radio-ölçü sistemlərinin yaradılması istiqamətində işlər aparıb. Elmi-texniki araşdırmalar nəticəsində raketlərin daxili parametrlərinə nəzarət edən "Don" radio-ölçü sistemi yaradılıb və kosmik raketlərdə tətbiq olunub. K.Ə.Kərimova həmin sistemin yaradıcısı kimi 1950-ci ildə Stalin mükafatı verildi. Keçən əsrin 50-ci illərində kosmosa uçuşların intensivləşməsində və sün'i peyklərin yaradılmasında K.Ə.Kərimov bir alim və mütəxəssis kimi ön sırada olub. K.Ə.Kərimov yüksək səviyyəli mütəxəssis kimi qiymətləndirilərək "Molniya-1" - rabitə, "Meteor" - meteroloji və yerin məsafədən zondlama süni peyklərin uçuşu üzrə Dövlət komissiyasının sədri vəzifəsinə təyin olunub və 1961-ci ildə insanın (Y.A.Qaqarin) kosmosa ilk dəfə uçuşu ilə əlaqədar o, "Lenin" ordeni ilə təltif edildi.
K.Ə.Kərimova yerin məsafədən zondlama sistemlərinin və istiqamətləndirilmiş süni peykin yaradılmasına görə Lenin mükafatı verildi.K.Ə.Kərimovun görkəmli alim və mütəxəssis kimi tanınması və hərtərəfli biliklərə malik olduğunu nəzərə alaraq 1966-cı ildə o, kosmik uçuşlar üzrə Dövlət komissiyasının sədri vəzifəsinə təyin olundu. Bu komissiyanın tərkibinə görkəmli alimlər, akademiklər V.P.Mişin, V.P.Qluşko, Y.P.Semyonov və başqa yüksək səviyyəli mütəxəssislər daxil idi. Unikal bilik və kosmik sistemləri hərtərəfli mənimsəməsi K.Ə.Kərimova imkan verdi ki, 25 il müddətində həmin komissiyanı fasiləsiz idarə etsin və hər dəfə kosmik uçuşlara, o cümlədən aya, Veneraya və başqa planetlərə kosmik raketlərin göndərilməsi haqda sonuncu qərarı qəbul etsin. K.Ə.Kərimov 1979-cu ildə beynəlxalq uçuşların təşkilinə görə Dövlət mükafatı adına layiq görüldü.K.Ə.Kərimov kosmik fəzanın fəth olunması nailiyyətlərinə görə 1987-ci ildə ikinci "Lenin" ordeni ilə təltif edildi və Sosialist Əməyi Qəhrəmanı adına layiq görüldü.1991-ci ildən bu günə kimi K.Ə.Kərimov kosmik elm, texnika və texnologiyanın inkişafı naminə kosmik uçuşların idarə edilməsi mərkəzində məsləhətçi kimi çalışır.K.Ə.Kərimov Azərbaycanda kosmik elm və texnologiyanın inkişafına nəzər yetirir və onu istiqamətləndirir. 1988-ci ildən bu günə kimi K.Ə.Kərimov Azərbaycan Milli Aerokosmik Agentliyi (AMAKA) ilə sıx əlaqədədir.Kosmonavtikanın inkişafında böyük rolunu və Azərbaycan Respublikası qarşısında nailiyyətlərini nəzərə alaraq Azərbaycan Respublikasının Prezidenti H.Ə.Əliyev öz fərmanı ilə K.Ə.Kərimovu Azərbaycan Respublikasının "Şərəf" Ordeni ilə təltif etmişdir.Kərim Kərimov "Kosmosa yol" avtobioqrafik kitabın müəllifidir. K.Ə.Kərimovun Azərbaycan Respublikasında kosmik elm və texnologiyanın inkişafında misilsiz əməyini nəzərə alaraq Azərbaycan Milli Elmlər Akademiyası onu fəxri üzvü seçmişdir.
